陳冠希（Edison）早前拍攝新歌MV，Edison為免惹緋聞，今次實行不用女主角，改與八架電單車合拍MV，但原來Edison從未坐過電單車，連甚麼叫「綿羊仔」都不知道。
陳冠希（Edison）日前為新歌《冒險樂園》於港外線碼頭的天台取景拍攝MV，因為Edison幾乎每次與女藝人合作都例必惹緋聞，故新MV中他實行不用女主角。
Edison說：「首歌唔係情歌，唔使拍情歌feel，就唔一定要用女主角囉，其實主要都係由導演安排。」而導演特地為Edison找來七架古董綿羊仔電單車及一架哈利電單車，讓Edison過電單車癮。
原來在外國長大的Edison從未坐過電單車，連「綿羊仔」是甚麼都不知道，他說：「嗰日有同事話我知有七架好靚嘅綿羊仔同我一齊拍，我都唔知係乜嘢，重以為係小動物，見到先至知，我真係未聽過人哋叫電單車做綿羊仔㗎。」
因為在碼頭天台拍攝，要將七架綿羊仔搬到天台亦相當費時，最後要用木條釘好一個臨時斜台，再將綿羊仔逐一推上天台，花了不少時間，才能正式拍攝。
另外，Edison新碟《BreakThrough》推出不久，反應十分理想，碟中除收錄一首周杰倫為其所作的新歌外，他還大唱陳奕迅。Edison說：「我唱Eason（陳奕迅）呀，其實有首情歌叫《曾亦信》，陳少琪填詞玩同音字，內容完全唔關Eason事。不過我都有同佢講話我唱佢，佢重問我唱乜嘢㖭。」