我Apple姐不嬲都欣賞啲愛得轟烈嘅情侶，好似混血名模Rosemary同男友Gordan就係其中一pair。尤其係Rosemary工作又咁忙，難得抽到時間拍拖。
好似上個星期五Rosemary同佢媽咪盛裝去灣仔君悅酒店出席PiagetParty，隔咗冇耐，我有個好鍾意唱K嘅世姪女喺銅鑼灣伊利莎伯大廈嘅加州紅卡拉OK，就話見到Rosemary同Gordan唱完K，Rosemary重好親密咁攬住男友條頸，真係羨煞旁人。
我覺得Rosemary分身有術之外，重好佩服佢可以喺咁短時間換便服去拍拖，唔通佢好似《IQ博士》入面嘅超人咁，喺電話亭換衫？