安雅雖然明天要到台灣為服食搖頭丸事件應訊，但前晚她仍然與MaggieQ續拍王晶的《NakedWeapon》，而MaggieQ此片將與前度男友吳彥祖拍床上戲。
安雅、MaggieQ、李幸芷（李菲）和盧淑儀前晚在尖沙嘴水警總部拍攝《NakedWeapon》（前名《新赤裸羔羊》），安雅續被追問早前在台灣涉嫌服食搖頭丸，明天將要赴台應訊之事，她說：「我真係未收到通知，如果律師通知我，到時我一定會到台應訊，不過到𠵱家律師都冇通知過我。其實我都想盡快搞掂呢件事，等我可以專心拍戲，因為呢套戲最快要到下個月中先拍完。」
安雅前晚強調並未受涉嫌服食搖頭丸事件影響心情，最近她與MaggieQ有親熱戲要拍，安雅說：「我同MaggieQ都係女人，就算要拍親熱戲都冇乜所謂，我哋都係鬼妹仔性格，對演出大膽戲，都唔會好抗拒。」
MaggieQ與吳彥祖分手後，兩人首次合作拍戲，在片中還要演床上戲，MaggieQ表示：「同佢拍戲我覺得好開心，唔會尷尬，以前我只係睇佢嘅戲，𠵱家就可以同場演出，遲吓重要拍親熱戲，但我只會當佢係普通演員，所以拍呢類鏡頭亦唔會有特別感覺。」
早前有傳MaggieQ與一位貌似吳彥祖的男子拍拖，但MaggieQ前晚卻否認說：「嗰個唔係我男友，大家只係朋友關係，至於最近又話吳彥祖有新女友，我就唔知道。」
王晶監製的《NakedWeapon》早前去了菲律賓拍外景，他說：「部戲全用英語對白，部戲之前叫《新赤裸羔羊》，但我覺得呢個名太舊，所以暫時先用英文名，遲吓先改中文名。」
採訪：馮美茵