今個星期終於開始放暑假，學生哥當然最興奮，點都要計劃一下暑期吃喝玩樂大行動！唱K打保齡？悶啲喎！不如走出戶外，大人細路一齊玩，既可以燒烤，享受陽光，吸收日月精華，又可以玩吓小型釣蝦；唔想流咁多汗嘅話，重可以選擇喺花圃裏面揀吓花，買盆返屋企料理吓，再怕熱嘅話，咪走返入室內，食餐泰菜飲杯嘢，總之一站過，室內室外都玩晒啦！
記者：黃婉冰 攝影：黃子偉
協力：Vivienne,Martin,Jacqueline,Alexandra
泰國有一種出名的咖喱叫Panaeng，這種味道不會太濃，入口較滑身的咖喱，向來被當地人視為是蝦球的最佳拍檔，這裏提供地道泰式咖喱，這款也不能少。Panaeng是大廚用上8種配料和香草自己調校，人客可隨意揀選辣度，配料，雞、牛、豬、魚甚至豬骨一應俱全。
紅咖喱燒鴨是另一款經典泰菜，大廚話不同肉類就要用不同咖喱配合，燒鴨就最好用紅咖喱，因為紅咖喱較香，與燒鴨的濃郁味道很夾，由五種香料製成的紅咖喱，加上早已去骨的燒鴨肉，配以泰國矮瓜仔、細得有如青豆的綠色矮瓜仔，配料豐富，送飯或撈飯都適合。
餐廳請來泰籍大廚坐鎮，以各種拿手咖喱饗客，紅、黃、綠各種款式味道任君選擇。新西蘭羊扒蘸滿一身泰國香草還未夠，煎至七成熟再淋上自製黃咖喱，咖喱有新鮮的南瓜茸，一來可以令咖喱更香甜，二來用來做天然芡汁，令汁煮出來變得更濃稠，喜歡的話，可要求大廚為你加辣。
鋪在菜面的是燒肉？正確來說應是泰式燒肉。這種泰國人叫脆肉的美食，其實是用鹽、豉油醃過的半肥瘦的五花腩，這種肉一醃就要半日，入味後再炸香，連同泰國人視為貴菜的椰菜苗炒，全部由泰國運返，椰菜苗味道清甜爽口見稱，正好平衡脆肉的鹹味。
芝麻班戟$18（中）
白眉紅豆糕$15（下）
熱出一身汗，冰凍甜品就最搶手，鋪滿西瓜、蜜瓜、士多啤梨的涼粉，用芝麻班戟皮包住冰凍雪糕的芝麻班戟，重有最特別的白眉紅豆糕，白眉是指用鮮奶做成的底、面兩層，中間夾着紅豆椰汁糕，另有多款泰式特飲，燒烤完來一款，消暑解渴。
交通備忘： 可於鑽石山地鐵巴士總站乘91或91M巴士前往，於大埔仔村下車，步行約3分鐘即到；亦可於藍田地鐵巴士總站乘298巴士前往，同樣於大埔仔村站下車即可。餐廳亦備有大量露天免費車位予食客泊車之用。
★店名：花卉食坊
★電話：27199393
★地址：清水灣道大埔仔村227約207-209地段（近科技大學）
★營業時間：星期一至五及日上午11時至午夜12時，星期六延長營業至凌晨2時。
★座位：150個
★付款方法：現金及信用卡（Visa,Master）
★燒烤收費：逢星期一至五只供應各款燒烤包，價錢按分量計算；星期六、日設有燒烤Buffet，成人每位$88，小童$68，不設開爐費。