最近外國方面有消息傳出，話平治車廠為迎擊於2004年左右推出嘅寶馬6系，同埋A4Coupe，故正落力為旗下嘅新款E-Class，研製緊一款全新Coupe型號，快者可望緊隨E-ClassEstate於明年登場後推出。
新車造型可謂極具吸引力，除一組頭燈望落頗有神氣外，流線型車體設計更流露出一份年輕活力感，而四門設計更能方便乘客上落車㖭。至於車廂鋪排方面，則由於新車仍在設計階段，故未有呢方面嘅詳細資料；然而，廠方亦為用家提供有多個引擎配搭選擇，當中包括有入門版嘅3.2公升V6型號，同埋頂級版嘅5.0或5.5公升V8Supercharged型號，以迎合不同用家嘅需要。
另外，新車更備有氣壓懸掛系統，從而增強車子嘅操控表現。有興趣嘅車迷，就要留意新車嘅確實推出日期喇。