張徹病逝，昨日在世界殯儀館舉行喪禮，其誼子、徒弟和圈中友好均有到靈堂致祭，惟獨誼子狄龍不見影蹤，只見狄龍兒子譚俊彥做代表來鞠躬。譚俊彥昨日向記者解釋說：「爸爸都好想返嚟出席喪禮，但因為佢喺上海拍緊《還珠格格III》，所以唔能夠抽時間返嚟，爸爸叫我記緊送埋佢（張徹）老人家上山先至好走。」
而黃霑二十多歲時已認識張徹，他說：「張徹走咗，真係有啲唔捨得，不過人始終要死，我知傷心都冇用，但張徹真係教識我好多嘢。」至於吳宇森指恩師張徹很錫自己，原來當年他可以娶得編劇太太牛春龍也是得張徹撮合。他說：「佢老人家生前，我有兩件事令佢好嬲，第一件係佢想搵我做導演，但我留低一封信畀佢就走咗，當時佢好嬲。第二件事係佢臨終，我睇唔到佢最後一面。」