新上場的財經事務及庫務局局長馬時亨原來好鍾意食嘢。昨日佢接受港台車淑梅訪問，話自己雖然出身窮困，而現在有機會享受珍饈百味，但依然最愛茶餐廳，逢周日都會帶埋老婆落灣仔食豬腸粉及豬紅粥。肥仔馬又話好鍾意油炸鬼，但因太油膩而不敢多吃。
上星期佢首次去立法會，曾許下請記者食葡撻的承諾，但佢昨日話同另外兩個跟工商經濟的局長，即唐英年及葉澍堃商量過，決定由三個局長共同請記者食撻，而且有三種選擇：葡撻、蛋撻及椰撻，今個星期三記者就有口福。
在訪問中，馬時亨話佢讀書時花名叫「馬仔」，到現在仍有同學咁稱呼佢。佢話唔介意人點叫，但就講明唔屬於任何馬房。馬仔又話佢在七三年畢業時曾投考政務官，貪做官人工高，不過未能入圍，現在輾轉做咗局長，都咪話唔峯迴路轉。
傳真︰2623-9278
電郵︰