璀璨的萬家燈火倒映在漆黑海面，就在這個世界著名的維多利亞港一隅，傳來哀怨低迴的旋律，這是鋸琴粗獷多變的聲音，彷彿在哀怨聲中帶着堅毅的生命力。雷兆勛每晚在尖沙嘴海旁以鐵鋸訴說有如打翻五味架的大半生。
他（六十五歲）是沒有醫學文憑的黑市醫生，行醫三十年沒出過岔子，惟自身卻患上腸癌，還被精神分裂症折騰半生。回首人生起跌，雷兆勛自言無憾：「我曾經賤過地底泥，飯都冇得食；又試過幾日賺到一層樓嘅錢，𠵱家就做普通阿伯。成世人大起大落，總好過平平淡淡啦！」
生於台山的雷兆勛，十歲時應革命號召加入游擊隊，惟最終落得被判勞教下場，其後心灰意冷下偷渡來港：「初到香港生苦艱難，只好做『咕喱』同雜工，後來偷偷做黑市醫生。」他曾在廣州學過基本醫務，十五歲便當醫生，並不斷看書自學，逐漸建立口碑而生意大好，誰料因此種下禍根。
他淡淡道出過去的黑暗歲月：「嗰時以為自己好叻，目中無人，卒之搞到精神分裂，入青山住咗半年先好轉。」
「七十年代香港唔准落仔（墮胎），啲行家見我有（精神）病底，搵我做負責人搞婦科診所，專做落仔，每日搵幾千蚊，一層樓不過係二萬蚊，開幾日工就夠錢買樓啦！」
可惜錢財快來快散，雷兆勛因揮霍無度全無積蓄，直至遇到前妻才有轉機：「佢（前妻）十七歲嚟診所做護士，我大佢廿幾年，但佢寧願同屋企人反面都要跟我，我生腸癌都陪住我。佢幫我留起啲錢買咗三層樓，一切都好好。點知個仔六歲嗰年，我去完大陸返屋企，佢已經帶個仔走咗，原來有第二個……。」他自言沒有恨意。
七年前決定關閉診所退休，十幾歲時曾經喺鄉下聽過老師拉鋸琴，覺得好吸引，遂全力研究鋸琴。經長期苦練後，目前可隨意演奏樂曲。
本報記者