全城矚目嘅新一代日產March，終於正式響香港開賣；新車除備受代理重視之外，March響香港車壇亦引起好大迴響，事關有唔少個別汽車代理，紛紛大肆宣傳旗下嘅車款，又或者係減價促銷。其中，本田Jazz加埋原廠包圍都不過賣11萬上落，而標緻部206Sky-view重減到唔使9萬㖭！可見得March唔單止響東瀛備受車迷追捧，就連香港亦一早受注目㗎！
聽聞早兩日March響香港舉行首個車展，即吸引到唔少Fans到場睇車。咁又係呀，家陣部March登場價都不過係11萬，既有齊四輪合金軨、高級音響、自動感光頭燈，重有嗰套咁High-tech嘅遙控門鎖同撻車裝置，據知今年March嘅香港配額好有限，大家真係要買趁快喇！