首次開咪講白頭偕老
馬薛芷倫：緣份盡唔覺遺憾！

大生銀行家族成員馬清偉與太太薛芷倫盛傳婚變，馬薛芷倫一直懶理傳言，最近她更首次為商台開咪主持節目。首集節目主題是白頭偕老，她表示若緣份已盡，亦不會覺得遺憾。

大生銀行家族成員馬清偉與太太薛芷倫近年頻傳婚變，馬薛芷倫（Fanny）一直懶理傳言，最近她首次投身電台主持行列工作，以嘉賓主持身份與黃毓民做商業電台《毓民星期天》節目，昨日早上十時至十二時首播。

「有愛才有性」
而昨日播出的首集內容，巧合地以「白頭偕老」為主題，黃毓民在節目中問Fanny白頭偕老這話題是否唔啱聽？Fanny大方地說：「白頭偕老係一個結果，中間嘅過程係最重要嘅，對我嚟講，唔可以白頭偕老唔重要，但中間嘅過程係好享受，係無悔嘅就已經足夠喇！」
Fanny又說：「唔需要白頭（偕老），兩個人最緊要一齊開心過，緣份盡咗，亦唔會覺得遺憾，因為已經開心過。」黃毓民說：「可以去搵另一段感情㗎！」Fanny回應：「咁又唔一定，如果有就有，冇就冇囉！」
二人又談到男人理性、女人感性的問題，Fanny說：「女人應該畀男人有新鮮感，不時畀驚喜對方，互相𠱁吓。如果另一半喺外面做錯事，唔代表佢唔錫太太，愛同性係分開嘅，男人可以有性冇愛，女人一定要有愛先有性。」

再執筆寫作
馬薛芷倫對首次參與電台廣播感覺新鮮，Fanny昨日在電話訪問中說：「其實係商台邀請我，我會先做住幾輯試吓，feelgood又handle到，我就會繼續做。試完第一集，感覺都OK。」
Fanny透露今次滿意酬勞，但主要推動力來自節目本身的意義，她說：「經濟唔好，講美容、買衫意義冇乜特別，反而社會問題好值得我哋會用正面的角度同形式去探討吓。」馬薛芷倫又透露稍後將再執筆寫作。