公務員大遊行，俾班高官大鬧，俾佢哋阻塞住嘅市民又鬧，但好彩，重有耶穌愛佢哋。
一隊由二千名基督徒同家人組成嘅「天使愛香港」巡遊隊伍，撞啱噚日又遊行，不過唔係搞對抗，而係要祝福香港同埋十八萬公務員。
佢哋由中區添馬艦出發，目的地係灣仔循道衞理聯合教會香港堂，當佢哋行到灣仔柯布連道嘅天橋時，咁啱見到天橋下面行緊嘅公務員遊行隊伍，熱愛和平嘅基督徒巡遊隊伍即刻大叫「耶穌愛您」，祝福呢一班為減薪問題而困擾咗好耐嘅公務員。
其中一個參加巡遊嘅「天使」林先生，以前喺警隊打咗成二十年工，佢話原本都想參加公務員大遊行，但佢身為基督徒，最後都揀咗參加愛心大巡遊。
﹙圖﹚參加巡遊嘅天使透過親吻一分鐘，表達對家人嘅愛。 黃賢創攝
傳真︰2623-9278
電郵︰