高音質、靚畫質同抵玩價，可算是大家購買DVD機的基本指標，最近國產機中的名牌SHINCO，就一氣推出3部符合呢三項要求的新機，挾着高質ProgressScan影像魅力而來的有DVD-8710及DVD-8610兩部；玩完美環迴5.1聲道的則有DVD-A833，3部新機開賣價都係千零蚊，如果最近有買機的衝動，絕對可納入首選之列。
記者：朱崇德
攝影：林栢鈞
ImageGirl：Coco
近年國產DVD機有逐漸轉營至中高檔格調的趨勢，好似SHINCO呢部最新的DVD-A833，全金屬的機面、型藍的面板再配合一個纖薄的機身，型仔Design簡直可以媲美一些中高檔靚機。播放功能亦強勁，基本的DVD、AudioCD、MP3、CD-R及CD-RW都樣樣有齊，最驚喜是AM/FM收音機及卡拉OK功能都玩埋，相對時下一般日本同價位新機，好少功能咁齊全。
三百呎屋企炸到飛起
音效是全機的最大賣點，機身內置有dts及AC-3雙解功能，可以玩到完美的5.1聲道環迴立體聲效果，跟機配埋成套的5.1聲道喇叭，筆者較喜歡它的全木質喇叭箱設計，攞上手時手感好、質量夠，音色夠實淨，唔似得使用金屬喇叭的DVD機般刺耳。
音效輸出非常強，一對前置、一對後置再配一隻中置喇叭，每個喇叭箱平均都有100W的輸出能力(100W×5)，至於巨型非常的重低音喇叭，輸出能力更達120W之高，相信三數百呎一般香港居往環境，真係可以俾佢炸到飛起。影音輸出端子都算幾齊全，一般色差、光纖、同軸及S端子都已經有齊，應該好夠使。
DREAMDELUXE系列最新的DVD-8710，可以用非一般DVD機來形容，佢除咗擁有一般的DVD、AudioCD、MP3、CD-R及CD-RW播放功能之外，最正係可以玩埋KODAKPICTURECD功能；簡單來說，大家只需要透過跟機的專用程式，將心愛的數碼相燒錄在光碟片上，就可以透過DVD機在一般電視觀賞數碼相片！
至於播放功能，佢一樣行內置dts/AC-3雙解碼，音效輸出亦係行5.1聲道(唔連喇叭)，並且兼容ProgressScan及卡拉OK等功能；輸出接線方面，色差、光纖、同軸及S端子亦樣樣有齊，以$1,299呢個價位新機嚟講，真係算幾抵買。
纖簿的機身、簡單的線條，配上今年最時興的鏡面機身設計，真係有九成日本大廠設計的風範，SHINCO呢部全新的DREAMDELUXEDVD-8610，走高畫質路線，最大賣點是內置有ProgressScan功能，如果配合對應的電視機，畫面可以達至更清晰、穩定的完美效果，dts/AC-3雙解碼、5.1聲道輸出、卡拉OK亦全部有齊。
售賣點：華仁會
地址：旺角花園街75?7號花園商業大廈5-6樓全層
電話：23980280