中銀上市計劃終於在昨日公布，小股民又多一個投資對象；香港股市已經好耐冇大型銀行招股，今次應該好熱鬧。八方上個禮拜同中銀總裁劉金寶食晏，佢話搞上市好忙好忙，本來去年諗住搞完十二行重組合併之後，可以放番一陣假，點知申請上市重辛苦；劉金寶重話呢排生活就係日日在幾幢大廈中間奔波，邊度都冇得去。不過，八方又感覺佢忙得幾開心，畢竟中銀百年歷史中最重要兩件大事，都在佢任內完成，第日有機會，可以寫回憶錄。
八方聽聞，劉金寶等中銀要員，昨日一見完記者，馬上就要執行李，一隊人飛去新加坡，一隊人去東京，向投資大戶推介；然後飛返香港開一日會，馬上又飛去歐洲做騷；歐洲之後再去美國，好似環遊世界。
﹙圖﹚劉金寶話最近搞上市好忙。
傳真︰2623-9278
電郵︰