【本報訊】誰道香港是石屎森林？高聳入雲的峭壁、如湖似泊的內海、水銀瀉地般的瀑流、奇詭多變的嶙峋怪石，林林總總的世界級自然景觀，其實在西貢可以信手拈來。 記者：黎國強、王梅艷
為配合香港旅遊發展局本月重點推廣西貢區，西貢區議會籌備了一連串節目，包括有西貢海鮮美食節、藝墟、堆沙比賽等，主題為「回歸西貢自然美」；同時，西貢區議會更與漁農自然護理署合作，出版一本由攝影工作者祁麟峰拍攝及撰寫的《西貢自然美》郊遊影集，並將部份精選照片安排在西貢獅子會自然教育中心展出。
有近三十年遠足及拍攝風景照片經驗的祁麟峰說：「桂林山水甲天下，桂林都係獨沽一味得石山同湖景，但西貢區嘅風景就包羅萬有，東面有懸崖峭壁，內海如湖似泊，陸上有雄山峻嶺，沿岸又有綿連不斷嘅沙灘，周圍怪石嶙峋，海水清澈見底，可以講，西貢唔單止係香港風景區嘅代表，喺世界上都係少有風景咁多變化嘅地方。」
要欣賞西貢區最有韻味的景色，祁麟峰自有他的獨家竅門，他說：「西貢大部份最靚嘅景色都係向東方嘅，所以當月出之時、夜幕將黑未黑之際，月亮嘅光華喺西貢海面上折射嘅景象，就係西貢最靚、最吸引人嘅一刻。」
祁麟峰用了近一年時間去捕捉西貢區最懾人的景象，製作出一百二十頁的《西貢自然美》郊遊影集，售價只是五十元，但看過的人都會不約而同地「嘩」一聲叫了出來：「呢啲相真係喺西貢影嘅？」祁麟峰則輕描淡寫地說：「換個角度看而已。」