飛哥出新書《不准錄音》，大家一定要睇吓訪問馬丁嘅章節。原來六七暴動後，有位喺西環做苦力嘅工運分子被控藏毒，罪名成立。工人向西區裁判法院上訴，結果馬丁幫佢打甩罪名。當日一班去裁判法院嘅左派工人，開心到手持《毛語錄》向馬丁歡呼，重話要請馬丁去北京介紹領導人佢識咁話。
馬丁噚日同八方講，當年個個苦力褲頭都吊住個鐵鈎，方便搬米，而佢哋入法院旁聽都冇除低。所以如果官司輸咗，佢哋衝去法官度，都咪話唔驚！
於是馬丁未開庭時私底下同主控官講，點知官大人話唔使驚，因為已經有揸輕機槍嘅人埋伏！呢次輪到馬丁驚嘞，子彈冇眼，到時企好定係伏低好呢？好彩嗰位苦力得直，大步檻過。
﹙圖﹚馬丁（左）出席飛哥簽名會。
傳真︰2623-9278
電郵︰