喺今年九月嘅法國巴黎車展上，德國寶馬車廠嘅場館內，將會展出一款全新嘅開篷跑車Z4；新車不但擁有一個較Z3更具吸引力嘅造型，兩台六汽缸引擎性能表現又見不俗，兼且快者可望於明年夏季正式推出㖭。
望落帶點古典氣派嘅Z4開篷跑車，造型仍滲有濃烈嘅跑味，當中流線型嘅車身線條及闊大胎軨組合，就最能將呢個特點展露出來；然而，尾廂空間亦有增多，用以擺放大型行李甚為方便。車廂布局方面，則由於新車仍在設計階段，故仍未有呢方面嘅詳細資料。
而廠方則預算會為新車裝配，兩台分別係2.5公升（192匹），以及3.0公升（231匹）嘅直6偈，因而令性能表現甚為強勁；而為令其有更出色嘅操控表現，廠方更為其兼配用高性能制動系統及DynamicDriveControl，從而為你增添不少駕駛樂趣。