台灣女星徐若瑄現正為日本冷氣機DaikinAircon任廣告代言人，但她最近卻被一同出現在廣告中的「水滴仔」卡通人物Pichonkun搶盡風頭。水滴仔十萬張CD在日本火速售罄外，其商品亦在網上狂炒，人氣非常強勁。
水滴仔Pichonkun在冷氣機廣告中出現的歌曲《隨便你》，上月二十六日緊急推出CD，由首批一萬張增加至十萬張的CD，已在不足一星期內被搶購一空，大受日本小朋友歡迎。而日本全國不少幼稚園，紛紛向發行CD的環球唱片公司，索取配合歌曲跳水滴舞的資料，唱片公司即時製作教材，免費贈予日本五千多間幼稚園。
水滴仔不只CD銷情理想，連它的精品亦炙手可熱。一條由唱片公司生產的水滴仔電話繩非賣品，竟在互聯網上被炒至一萬日圓（約六百五十港元）。
一位日本唱片業人士表示：「Pichonkun嘅流行情況，同三年前嘅『串燒3兄弟』好相似，最特別係佢唔止受小朋友歡迎，連啲學生妹同OL都好鍾意佢。而歌曲中帶有打工仔悲哀心聲嘅歌詞，同療傷嘅旋律，重可以引起成年人嘅共鳴。」