李鵬飛前排主持商台節目《不准錄音》好受歡迎，商台於是同飛哥輯錄咗其中十二個訪問出書。飛哥重請埋兩個老友田北俊同李柱銘出席新書簽名會，誰不知畀兩個黨魁句句窒住晒！
田少話，根據知識產權，唔知佢接受訪問講過嘅嘢，版權究竟算係商台，定係算佢自己所有！馬丁就質疑節目明明叫「不准錄音」，點解最後卻被人錄咗音，重出埋書！
講咗幾句，田少連細佬田北辰都玩埋，話田北辰成日以為自己係model，對住自己身材做衫，但係又唔知自己手短咁話。八方窒人唔使本，就問田少你對手又好長咩？田少即刻同馬丁拍埋手比較，真係喎，田少手長三十四吋，馬丁三十三吋。馬丁忍唔住笑田少手長，係因為「攞得着數多」喎！
傳真︰2623-9278
電郵︰