【本報訊】尖東海面昨晨出現驚險場面，四名游早水公公婆婆，暢泳中遇上急流無法游回岸上，他們在海中搏鬥個多小時由途經船隻乘客報案，水警輪及消防船到場將他們救起，有驚無險。
「落水時有小小浪，唔覺有急流，點知游咗成個鐘都游唔返埋岸，個心都有啲怯，但我游咗六十幾年水，重有氣有力，唔係太驚。」獲救的陳伯今年七十八歲，為遇險三名公公一名婆婆中年紀最大的一位。他講述遇事經過時仍聲如洪鐘，其他三人年齡由五十二至六十一歲，均為尖東海旁游早泳常客，十年如一日風雨不改。
陳伯說，昨晨六時許，他們如常到尖東帝國中心對開海面游早水，落水時海面有小浪水流未算急，但至七時許各人準備游回岸時，水流變得急湍。
「我哋幾個喺呢度都游咗十幾年，熟晒呢處水性，所以唔會點驚，亦無向途經船隻呼救，大家只知拚命游回岸邊。但由於水流頗急，我哋游咗成個鐘，始終喺離岸三十多米地點游唔返埋岸」。
當時有途經渡輪乘客見他們在湍急海浪中搏鬥，恐有危險致電報警。水警及消防船趕至將他們逐一救起送返岸上，各人並無受傷。陳伯向在場記者道別時，不忙推介游水的好處：「游水好呀！我幾十年都冇病過，游多啲水啦後生仔！」