舒淇和馮德倫前晚拍攝新片《Office有鬼》，二人在戲中發展一段人鬼戀，並有親嘴戲。馮德倫表示跟哪一位女演員拍親熱戲都沒所謂，就算對方是其女友莫文蔚都可以，而且拍床上戲也沒問題。
舒淇和莫文蔚男友馮德倫，前晚在新蒲崗為新片《Office有鬼》開工，馮德倫被問到可介意跟女友莫文蔚合作拍親熱戲，他認為沒有所謂，就算拍攝床上戲都沒有問題。
在《Office有鬼》一片中，舒淇跟馮德倫有親嘴的戲，問馮德倫可渴望與女友莫文蔚合作？他說：「同邊個拍都唔係我揀，而且同邊個拍亦冇所謂，我都唔覺得尷尬。我從來冇承認過同佢（莫文蔚）拍拖，同佢拍愛情片或床上戲都冇所謂，但邊有導演咁『筍』益我。」再問馮德倫覺得舒淇和女友莫文蔚，誰較為吸引呢？他說：「大家一樣咁靚，唔好咁問。」
對於老友謝霆鋒連番發生撞車事件，馮德倫說：「我打過電話畀佢，勸佢唔好開快車。我唔會坐佢車，真係開始驚，其實佢咁大個人都明白，不過後生仔好勝啫，嗰次之後應該都唔會開快車，我覺得霆鋒呢排好黑仔，佢堪稱『地獄黑仔王』。」
馮德倫經常跟霆鋒見面，問他可知霆鋒和王菲復合的消息？馮德倫笑說：「我知阿菲喺佢屋企住，但霆鋒叫賓妹都叫阿菲。」
而舒淇在新片中扮演女鬼，欲找替身時遇上了馮德倫，二人發生一段人鬼戀。舒淇謂在她和馮德倫拍親熱戲時，不見莫文蔚前來監場。
舒淇和馮德倫主演這套鬼片將於九月上映，近期因《見鬼》一片而掀起鬼片熱潮，先後有《幽靈人間Ⅱ鬼味人間》、《鬼水凶靈》和《枕邊凶靈》，而暑期則有鄭秀文主演的《我左眼見到鬼》上映。