陳慧琳（Kelly）近日正忙於為月中舉行的演唱會綵排，除了要勤練歌舞外，她還要為個唱中的驚險演出準備，原來今次Kelly的個唱，將在紅館一百五十元門券的觀眾席附近，鋪設一條路軌圍繞整個紅館，然後Kelly就坐上「飛天Kelly車」，讓買平價飛的觀眾都可近距離欣賞偶像。
Kelly說：「好緊張呀，條路軌喺紅館四十呎高空度，我第一次俾人吊到咁高，不過我哋搵晒建築師度啱晒位，計掂晒數，紅館先批准呢個項目，所以係百分百安全嘅。」
整條路軌及「飛天Kelly車」共花一百萬元，個唱主辦商耀榮娛樂亦特地為Kelly購買三千萬保險，還會請來四位俄羅斯馬戲班的空中飛人來港配合Kelly演出，可謂落足本。