二十二歲的阿鳳，去年與青梅竹馬的男友結婚，奈何不久夫妻感情生變，腹大便便的她僅靠領取綜援金的母親接濟。上月女兒呱呱墮地，奶粉和尿片開支甚大，令阿鳳的處境雪上加霜。
阿鳳拿着一罐差點「見底」的奶粉靦覥地對記者說：「我生完BB之後醫院送咗一罐畀我，之後我自己買咗兩罐，百幾蚊一罐食得一個星期，真係好貴。」
在旁的阿鳳母親戴女士，對於自己榮升外祖母，顯得既憂且喜。「我都唔知見過個女為咗BB流過幾多眼淚，喊到對眼都紅晒，佢為咗慳番幾條尿片，寧願等BB賴咗五篤尿先捨得換一次尿片，搞到BB屁股生晒紅疹，真係陰功。」
阿鳳年前與母親及弟妹取得單程證來港定居，可惜父親性格暴躁，父母終至離婚收場。阿鳳來港初期曾在百貨公司任職售貨員，卻因新移民的身份而遭同事排斥，加上她無法適應香港的生活，因此大部份時間都留在鄉間新會。去年，她與拍拖多年的同齡男友在內地結婚，卻沒料到本年初夫妻感情生變，當時懷有數月身孕的阿鳳黯然回港，在母親家中寄居。
「𠵱家佢喺電話講唔夠幾句已經冇嘢講。佢喺大陸做貨車司機，一個月人工得五、六百蚊，根本冇能力養我同埋個女。」阿鳳表示，現時每月單是女兒的尿片和奶粉開支已經不菲。奈何其母及一對分別就讀小六及中三的弟妹只靠微薄綜援金餬口，母親照顧她的生活已經甚為吃力，難再負擔嬰孩的各項開支。
「之前我一直喺媽媽度住，間屋好細，𠵱家BB出咗世，夜晚成日喊，嘈住細佬妹瞓覺，搞到佢哋第二朝冇精神返學，所以早幾日迫不得已租咗樓下一個單位，但真係應付唔到租金。」阿鳳苦笑着說，女兒僅有的兩套衣服都是替她找單位的地產經紀送的，而家中剩存的奶粉和尿片只夠女兒多吃數天。阿鳳日內將向社會福利署申請綜援金，阿鳳的母親戴女士搖頭歎道：「我已經幫個女交咗租金同埋其他水電按金，身上已經冇晒錢。」蘋果日報慈善基金有見阿鳳的困境，即時撥款一萬元，助她與女兒暫度難關。捐款編號：C0607
暖流熱線
電話:29908688
傳真:23702192
電郵:
網址：