本報記者昨日依照部份網吧在報章上刊登的招聘廣告致電多間網吧求職，發現不少網吧均對其工作細則閃爍其詞，只要求應徵者親身前往面試；有些甚至不願透露薪酬以及具體地址等資料，要應徵者在指定地方等候，由「專人」帶領前往。
其中一間網吧在報章上刊登廣告，招聘陪同客人上網打機的「協助員」，時薪高達一百元。當記者進一步詢問工作細則時，網吧聯絡人不願正面答覆，只說「你上嚟見吓（面試）先啦，咁我都要睇吓你好唔好樣㗎？」至於為甚麼要「好樣」，聯絡人卻含糊其詞。
記者追問下，網吧聯絡人再進一步解釋（節錄）：
記者：會唔會俾啲客摸手摸腳？
網吧：咁你唔做都得㗎！
記者：咁係咪自己可以揀做唔做㗎？
網吧：唔係話自己都可以揀，咁如果你做做吓覺得有問題，你咪唔好做囉！你明唔明？
記者：你哋會唔會迫人做㗎？
網吧：你估𠵱家乜年代呀，呢啲嘢重可以迫嘅咩！
此時，聯絡人忽然強調，「我哋唔同出面，冇得搞搞震㗎！」
至此雙方對話完畢。
本報記者