如果近排有留意機價行情，一定發覺到PS2主機售價好似坐火箭咁有升冇跌；日圓兌換率上漲，係造成機價上升原因之一，不過行內有人指出，PS2近月來推出了6、7款直讀晶片，令玩家可以玩到翻版亦係一個原因，鐵人聽到呢則消息之後真係痛心不已！
另外，喺國內亦有同樣的「翻版」問題出現，自從直讀晶片推出之後，PS2喺國內嘅銷售情況有逐漸取代PS之勢；而且近日國內嘅PS2重有缺貨問題出現，搞到時不時會見到啲國內同胞嚟香港Game場瘋狂掃貨，而喺呢個求過於供的情況下，PS2機價最近已由原本的$2,100，跳升至本星期的$2,300左右（連改機），你話翻版嘅禍害幾大呢！