睇嚟愈嚟愈多人對華德豐（297）死心，所以隻股噚日晏晝先至會突然急跌，好彩小初大部份朋友在較早前忍痛止蝕沽晒，否則到今時今日重心痛。
華德豐噚日最低被質至15仙，收16.8仙，跌咗25.66％，但成交金額就唔算太多，只得735萬銀。不過，原來已經係隻股嘅52周新低，所以都咪話唔得人驚。
經紀陳話，其實噚日華德豐急跌，並非有人被斬倉，不過係愈嚟愈多人唔再信飛天朱嘅衛星古仔。由於以往維持秩序班炒家，好多已經賺咗錢走人，只要有一兩個投資者拆倉沽貨，隻股就會跌得好重。如果由今年高位70仙樓上揸到𠵱家，真係等同totalloss。
另外，同華德豐有多少業務關連嘅光訊控股（254），因股權變動，停咗牌好幾日。光訊停牌前股價弱過藥煲，唔知今回搞邊科呢？
慕容小初