今日先同大家介紹契爺最拿手嘅「阿一鮑魚」，大家可以買啲細隻啲嘅四十頭乾網鮑嚟整，喜歡嘅話可以配埋鵝掌，味道一樣咁可口㗎。正所謂「阿一鮑魚雖名貴，自己整都唔失禮」。
製法： 先將鮑魚用清水浸透（四十頭鮑浸六小時，較大隻的浸十小時），備用；將老雞斬件煲清雞湯，煲至雞件剛剛熟為止，然後將雞件同雞湯分隔開，備用；另要將排骨用水煲至剛熟，然後盛起排骨備用。先將竹笪（類似筲箕，狀扁平）墊於有氣孔瓦煲煲底，防止黐底，竹笪面舖上排骨，然後放鮑魚，再放雞件。將滾水注入煲內至剛蓋過雞件，用中火煮八至九小時。其間要注意煲內水份，有蒸氣排出即要加入雞湯，至第七個鐘時，可減少加雞湯的份量，並以猛火將鮑魚煮至收乾水。
（五之一）
採訪：戴彩煥
攝影：仇志德
顧問：楊貫一