馬會噚日突然宣布，工商及科技局局長唐英年同金管局總裁任志剛雙雙辭任馬會董事。金管局發言人話任總辭職係私人理由，不允評論，政府亦冇人肯話高官做馬會董事是否適當。
其實，唐少唔做一早就知，但任總一向熱衷賽馬，以做董事為榮，今次被迫唔玩，肯定有內幕。佢老兄份七百萬年薪已經令佢變成眾矢之的；班新貴陸續上場，壓力日大，睇怕佢都唔易招架。
練馬師愛倫認為佢兩人離任對馬會是很大損失，「靚蝦王」馬主劉錫康話早已聽聞董事人事變動好大，但估唔到任志剛都走埋。
雖然阿松嗰邊死都唔認有向任總施壓，任總班老友則齊聲話佢就算唔係被迫辭職，亦係時候低調啦！任總嘅死對頭卿姐就講到明唔likey，佢話老任雖然並非問責局長，但「自己應該識做」。何俊仁也認為二人的做法係明智之舉。無論點講，馬會冇咗「精明任」做監場董事，肯定係損失；至於邊個會替佢，就有排爭啦。
傳真︰2623-9278
電郵︰