二人女子組合B2已有超過大半年時間未曾出碟，近月來二人更銷聲匿迹，故有傳B2其實是為避Twins鋒頭，才遲遲未有新碟推出。
B2日前對此異口同聲說：「我哋唔係避佢哋，係咁啱呢段日子走埠登台，唔喺香港，並唔係外界所講話要匿埋。我哋都要搵錢㗎，呢排密密走埠登台嘅錢，都夠買樓畀首期。Twins固然係青春活潑有實力，但各有各做，大家路線都唔同。」
B2的新碟最快約在九月才推出，未知二人會否擔心遭fans遺忘？B2說：「我哋冇出嚟幾個月啫，況且𠵱家公司重組，我哋對未來嘅工作都好有信心。」
採訪：朱芷瑩
攝影：黃文成
服裝提供：Replay、AX