近日有雜誌報道，指李麗珍（珍妹）近日狂碌前夫許愿給她的附屬卡，金額約三萬港元。由於珍妹不肯找數，許愿惟有從珍妹每月贍養費中扣除。不過，事後珍妹卻力指許愿半年沒有支付贍養費，就連女兒學費也不肯負責任。
記者昨日致電許愿了解，他憤憤不平說：「成件事係有人顛倒事非，以前佢有成幾張附屬卡，每個月都係我找數，嗰陣時市道好，幫佢找數冇所謂，但近排市道咁差，我咪叫佢自己找番。三萬蚊嘅數目，係好近期嘅事，以前我不知幫佢找咗幾多（據知約八萬多元），我每個月畀六千蚊贍養費佢，呢筆錢包埋個女每個月嘅學費，佢唔找卡數，我咪同佢講話扣贍養費囉，我咁做唔係唔畀學費呀。」
許愿表示，他每個月還額外付四千多元給女兒作課外活動費用，這筆數並未有扣除，不過，為免日後再發生類似事件，他決定將珍妹最後一張附屬卡也取消。
採訪：戴彩煥