今個星期六晚,解放軍軍樂團會喺紅館表演,慶祝回歸五周年。噚日重特登請傳媒先睹為快。其中香港中華文化總會會長高敬德,介紹演出賣點都算特別,話港人睇咗演出,可以學習到人民子弟兵攻無不克、戰無不勝嘅精神,要戰勝經濟困難話咁易。咁似乎最應該捧場嘅,係特首同佢嘅新領導班子。
不過人民子弟兵都唔係鐵板一塊,噚日其中一位示範表演嘅團員張江平,當眾吹奏學咗二十幾年嘅色士風,所選曲目係KennyG嘅名曲《GoingHome》,既追上時代,又非常應景。呢支曲星期六晚重會配上舞蹈演出。一萬張門票已經賣晒,因為呢個軍樂團來頭好猛,九七回歸交接儀式都係佢哋喺零時零分零秒伴奏升旗國歌。
(圖)張江平(右)和朱海繼五年前在回歸交接大典演出,周六再度獻技。
傳真︰2623-9278
電郵︰