暑假是戶外活動的最佳季節，經常出外活動最好買番對又平又舒服的便服鞋，今次小記介紹呢間MIRABELL嘅特賣場，全場有近萬對筍鞋任你揀，全部以半價或以下發售，當中以Puma的波鞋最抵買，有咁平咁抵的便服鞋，今個暑假同陽光點玩遊戲都得啦！
記者：區佩嫦
攝影：陳偉強
ImageGirl：Monique
夏日風情
呢對迷彩波鞋屬今年款式，顏色夠Sharp，尼龍的質料，加上鞋櫳內的厚身兼具Air的鞋墊，着上腳極之舒服，不論跑步、行街Shopping時穿着都無問題。備有草綠色及粉藍色選擇，兩者都充滿夏日色彩，𠵱家只賣$220，絕對係唔掃就笨的貨色。
尺碼：35-39號
貨量：約50對
原價：$499
特賣價：$220
最搶鏡
鍾意綁帶波鞋的話，不如考慮呢款螢光橙配白色的Puma跑鞋，鞋身以透氣尼龍製成，質料夠輕，顏色又夠Sharp，落場跑步或者平日行街穿着均能成為焦點所在，備有男女裝Size，襯番對情侶鞋就最啱嘞！
尺碼：35-39號
貨量：約30對
原價：$549
特賣價：$220
$200以下推介
講到簡單款式，呢對X18便服鞋的設計就夠晒簡潔，全部用人造皮製成，質料舒服，襟磨襟着，加上軟熟的鞋墊，着住行山或Shopping都唔會辛苦。此外，米白的顏色夠晒百搭，襯運動褲或牛仔褲都同樣好睇。
尺碼：35-40號
貨量：約80對
原價：$550
特賣價：$190
講到外形特別，小記便推介這款仿波砵的便服鞋。小記覺得最特別是用上橡筋條的鞋面設計，穿着方便，加上用灰色的人造皮製成，舒服之餘又易襯衫，只售$190十分抵着！
尺碼：35-40號
貨量：約80對
原價：$550
特賣價：$190
想搵番對質素好的便服鞋，小記就推介呢對DUNLOP布鞋啦！全對用了牛仔布的質料製成，不過最特別是全對鞋是仿綁帶鞋款，大家留意的話，會發覺平日鞋帶的窿窿位會變成啪鈕，完全無窿穿鞋帶，夠晒特別。
尺碼：35-39號
貨量：約120對
原價：$390
特賣價：$190
夏日當然要色彩繽紛，這對JUMP的粉藍色便服鞋就夠晒搶眼！全對用麖皮做，夠晒舒服。鞋面更有車線作點綴，加上外星人的LOGO，夠晒特別。
尺碼：5-9號
貨量：約30對
原價：$490
特賣價：$190
鍾意水上活動的朋友，呢對Caterpillar就不容錯過。這對鞋選用特製尼龍布製成，質料柔軟，着上腳舒服唔在講，索繩的設計可令鞋身更貼腳，感覺更加舒服。此外，這款鞋更可作水陸兩用鞋穿着，上山之餘又可下水，夠晒多用途。
尺碼：6-11號
貨量：約140對
原價：$590
特賣價：$250
這對Merrell的波鞋屬上年的風、火、山林系列，款式設計成田徑跑鞋款式，鞋身修長，令你雙腿更顯苗條。此外，全對鞋以尼龍及人造皮製成，質料夠輕，加上鞋櫳內有專利氣墊中底，着上腳夠晒舒服，男女皆宜。
尺碼：8-10號
貨量：約80對
原價：$550
特賣價：$220
女孩子總愛選擇顏色鮮豔的波鞋，好似呢對NOSE的跑鞋，鮮紅的色調夠晒搶鏡，尼龍配上麖皮的質料，輕巧而舒服，着上後唔覺焗身，鞋面更有車線作點綴，配上鞋側的白色間條圖案，愛鮮豔顏色的朋友又怎會錯過呢？
尺碼：4-7號
貨量：約50對
原價：$490
特賣價：$250
講到設計簡單的話，不得不提這對DUNLOP波鞋，全對鞋用人造皮製成，加上魔術貼的設計，Classic味極濃，最啱只講實際，唔講潮流的你。
尺碼：35-39號
貨量：約120對
原價：$490
特賣價：$250
MIRABELL特價場資料
日期：由今日起至7月14日
時間：12:00noon-9:00pm
地址：馬鞍山新港城2130及2140號舖
查詢電話：24898009
＊只收現金