近日天氣閒閒哋都三十幾度，又悶熱又翳焗，如果可以去哈爾濱賞吓雪，睇吓冰雕就真係一大快事。不過𠵱家毋須千里迢迢走去哈爾濱，因為喺深圳筆架山公園內的「哈爾濱冰雪世界」，就已經有齊各樣冰雕和雪梯，令你如置身哈爾濱之中。
記者：劉耀 攝影：陳智
面積：約2萬5千多平方呎
用冰：達800噸
光管：3000多條
氣溫：零下8度
保溫：全靠牆中間內藏15cm厚的隔熱材料，同埋四部125千瓦冷氣製造機
免費大褸：有免費大褸提供，幾凍都唔使驚！
有幾巴閉：中國最大移動室內展覽廳
雖然身處零下8度的嚴寒氣溫之下，不過冰雪世界內的各種冰雕就絕對可以令你全情投入，場內展出多款以冰雕製成的著名建築物，如中國天壇、萬里長城，以及俄羅斯的鐘樓等。此外，也有其他主題的冰雕，例如觀音像、中國奧運、歌手演唱等，襯以五顏六色的霓虹光管，令白濛濛、冷冰冰的場館變成五光十色的幻彩世界。大會還在場內加設大型飄雪機，令室內飄起片片雪花，雖然只限於場內一角，但可在溫暖的南方感受吓漫天雪花，倒十分浪漫。
冰雪世界除了有得睇之外，更設有玩得嘅冰上活動，如具速度感的冰感滑梯及快樂雪車。
冰感滑梯：顧名思義就係喺冰上面玩滑梯，整條滑梯都用大大嚿嘅冰砌成，滑行速度比一般滑梯快，透心涼，係最佳的冰上活動。
快樂雪車：其實等於雪橇由室外搬入室內，利用兩支鐵管推動雪橇，在環形的雪橇道上暢快飛馳，整條雪橇道更長達80米，沿路途經萬里長城、俄國鐘樓等，享受雪橇之餘亦可飽覽景色，不過初玩者要花點時間學習如何操作。
地址：深圳福田區筆架山公園內
電話：（755）3362902
日期：現時至10月20日
開放時間：由早上9:00至下午10:00
交通：由羅湖聯檢大樓乘的士約?40，車程約20分鐘
收費：成人?35、小童?20