小雪自早前被記者撞破與二人組合VRF成員之一的阿Ray約會睇戲，繼而發生抓傷女記者事件後，曾一度有傳小雪遭老闆羅傑承雪藏，但小雪卻對被雪傳聞予以否認。
日前小雪在尖沙嘴接受訪問時就說：「我不嬲都冇為呢件事俾人雪藏，早排啲人冇見我出現，係因為我唔喺香港，我去咗荷蘭做騷，又去咗加拿大拍旅遊特輯，跟住再去台灣拍廣告，基本上係未停過做嘢，所以我對呢啲傳聞唔想講太多，亦唔想去理，𠵱家我只係想畀心機搞好九月出街張碟。」
不過，小雪對於打記者一事，也深感懊悔，她說：「呢件事係我一時衝動，但我一早已經同個記者道咗歉，件事解决晒，所以亦無謂多講。」
採訪：朱芷瑩
攝影：黃文成
服裝提供：Replay
髮型：HairCulturebyPatrick