財政司司長梁錦松昨日參觀國泰航空嘅「亞洲國際都會」號，財爺搭飛機多過八方搭的士，佢一上機就話畀國泰常務總裁陳南祿聽，佢個至愛座位，原來唔係頭等嘅「A1」，而係「K4」，貪佢最闊落，同埋右手邊最多地方擺文件，方便在飛機上時理萬機。陳南祿同埋財爺個政務助理李達志應該收到，下次阿松要坐飛機時識點做。
李達志噚日都好唔得閒，話說陳南祿介紹話商務客位都可以「瞓直」，阿松唔係好信，但又唔好意思自己試，就叫李達志試，國泰班攝影師係咁影相，唔知會唔會順便攞去做廣告。
傳真︰2623-9278
電郵︰