上市公司消息多多，但八方認為最有名人效應的上市公司，非元綠壽司之母公司「環球飲食」莫屬。據講，「漫畫名人」黃玉郎﹙圖﹚將收購影星成龍和楊受成打理的環球飲食。黃以接近五千萬元購入五成四股權，繼八十年代的「玉郎國際」後，黃玉郎又再成為上市公司大股東。
今次同黃玉郎拍住上既有佢妹夫唐啟立，交易完成之後，成龍持有環食百分之七點七，而成龍同埋陳自強唔使好似其他董事咁要辭職。
黃玉郎七十年代憑《小流氓》、《龍虎門》、《如來神掌》等作品稱霸漫畫界，後來將玉郎國際上埋市，點知卻因為揑造假帳罪名入獄，服刑兩年。有人話如果唔上市就冇事，但佢似乎就唔係咁睇。
其實成龍同埋黃玉郎早有淵源，由黃玉郎創辦嘅玉皇朝，原來成龍都係股東之一，但只係持有百分之一。至於黃玉郎則持有七成七嘅股權。
傳真︰2623-9278
電郵︰