謝賢（四哥）在日本欣賞完世界盃後前晚返港，他甫落機便跟兒子謝霆鋒聯絡，當知道他身體沒有大礙，四哥即放下心頭大石。四哥前晚說：「我一唔喺香港佢就出事。霆鋒呢次撞車純粹係意外，我會分青紅皂白，唔會沒收佢嘅車匙，我淨係會叫佢小心啲，害到人同自己都唔好。」
有傳王菲跟霆鋒舊情復熾，四哥對此說：「佢哋幾時結婚？幾時離婚？何來復合？其實霆鋒交幾多個朋友都冇所謂，大家都有資格揀。霆鋒同邊個拍拖我都咁開心，𠵱家呢個年代冇話父母之命、媒妁之言，總之自由戀愛。」對於霆鋒在大馬夜會張栢芝，四哥說：「係都應該，朋友吖嘛。」
狄波姑（拉姑）一直很關心霆鋒，問她可知霆鋒與王菲復合的傳聞，拉姑昨在電話中說：「佢（指霆鋒）女人啲嘢唔好問我，我淨係會答霆鋒健康嘅嘢。」
採訪：比華利