回歸五周年嘅慶祝活動沒完沒了，噚晚紅館就有個非常熱鬧嘅敲擊樂音樂會，由一萬個來自中港台三地的青少年，一齊打六種敲擊樂器，包括牛鈴、刮瓜、沙槌、排鈴、三角鈴、手鼓，希望可以刷新健力士世界紀錄。
敲擊樂器八方細細個嘅時候都有玩過，但係就未感受過咁多人一齊嘅澎湃。噚晚聽見佢哋演奏森巴樂曲，節奏感強勁，加上青少年着上鮮豔服飾，真係幾吸引。
表演重有一個特色，絕大部份表演者分坐四面觀眾席，由握手位坐到山頂位。反而中間嘅表演舞台，有三分一留番嚟做主要舞台，其餘嘅就係嘉賓席，唔知嘅重以為表演嘅係音樂會嘅榮譽贊助人老董同老霍，而唔係班年輕人。
個音樂會真係吸引好多猛人出席，大部份新管治班子都有嚟，連老董家臣路公公都蒲頭，范徐麗泰就做見證人。
﹙圖﹚「龍聲飛揚」萬人音樂會昨假紅館舉行。王子俊攝
傳真︰2623-9278
電郵︰