煲呔曾呢輪特別忙，七一慶回歸兼宣誓效忠，七二又正式開工大吉，今日挨晚又要起程去英國倫敦出席「七四香港節」揭幕禮。今次香港節都幾巴閉，請到英國約克公爵，即係安德魯王子出席午宴，煲呔重會乘機同外交部及主管公務嘅官員會面。
忙完一大輪，煲呔會留喺倫敦度假，參加第二仔TOMMY嘅畢業禮，然後先至返港。
講開做高官辛苦，原來煲呔嘅外父鮑老先生七一個日早上在澳門山頂醫院仙遊，享年一百零四歲，剛巧煲呔正出席回歸活動及就職典禮，無法通知，佢夫婦倆下午才趕赴濠江。世事難料，或者就係呢個意思，司長及曾太請節哀。又老先生周四舉殯，周五入土為安，睇怕煲呔都趕唔切返香港，但有曾太打點，可以放心，為公事，冇辦法嘅。
傳真︰2623-9278
電郵︰