繼「香港精神號」後，國泰聽日又有一架髹得好靚兼七彩繽紛嘅飛機出場。呢架代表香港、叫做「亞洲國際都會」嘅波音七四七客機，梗係唔少得港府官方嘅飛龍標誌。國泰話係為咗慶祝特區成立五周年喎！
呢架飛機用咗成一百八十加侖嘅特製油漆，頂得住三萬幾呎高空上面零下幾十度嘅凍冷氣溫。工作人員又花咗二十六日，先髹完成架飛機。聽講，聽日重會有四十幾位同時喺九七年七月一日出世嘅小朋友，陪架機出場。
不過，八方唔明，點解次次國泰髹靚機，都淨係搵波音七四七。國泰機隊都有好多空中巴士，點解又唔揀呢？話時話，因為「九一一」影響而搞到要停飛嘅「香港精神號」，唔知又飛得番未呢？
傳真︰2623-9278
電郵︰