元朗一名婦人因為嗜賭，導致婚姻破裂，日前更因輸光綜援金，復被米舖和業主催交欠款，一度失去常性脫衣撒野。鬧劇背後，隱藏一對苦讀兄弟掙扎求學的悲歌，長子阿生更已欠下學校兩個月學費，境況令人同情。
十六歲、就讀中四文科班的阿生談到「唔生性」的母親時，不禁搖頭苦笑着說：「冇乜好嬲，唔發生都發生咗，佢好耐以前已經鍾意賭錢，自從爸爸走咗之後，可能佢受咗好大打擊，賭得愈嚟愈犀利㖭。」
阿生的母親陳女士對於自己所為，似有悔意。「我想攞啲錢去博，𠵱家知道個仔唔鍾意我去賭，佢話再賭佢就離家出走，我以後會修心養性，唔會再賭。其實我都好後悔，差啲害死兩個仔，搞到佢哋就嚟食都冇得食。」四十五歲的陳女士信誓旦旦地說。
阿生與就讀小六的十三歲弟弟阿安，本有一個大好家庭，奈何母親年前染上賭博惡習，父親為替母還錢而致債務纏身，其父於六年前終於忍無可忍，申請離婚，三母子從此依靠綜援金維生。
日前，由於家中無米，其母又已花掉所有綜援金，遂向米舖賒米，其後米舖派人上門收數，兩人發生爭執，業主亦趁機追討欠租，阿生母親一時情緒激動，脫去衣服謾罵，驚動警方及傳媒，亦揭露了阿生兩兄弟不畏家境困難，努力求學的勵志故事。
「我已經兩個月冇交學費，學校社工都有跟進我嘅情況，但係幫唔到我乜嘢。」阿生表示，為了賺取一點零用錢，他會在假日上街派傳單，同學擁有的東西，好像手提電話及電腦等，他只有羨慕的份兒，從不奢望可以擁有。「自己屋企咁樣，點敢去諗，不過我真係好想有部電腦，可以方便做功課，𠵱家我只有去同學屋企借佢哋嘅電腦做。」
坦言不是讀書材料的阿生，打算明年中五畢業後，出來社會做事，改善一家經濟環境之餘，亦盼藉此吸收多點人生經驗，將來有機會才再作進修。
蘋果日報慈善基金有見阿生的境況，即時撥款一千五百六十八元，助他繳付欠交的學費。捐款編號：C0603
一名善長對於阿生的遭遇寄予萬分同情，亦甚欣賞阿生的品德，因此透過本報穿針引線，聘請阿生在暑假期間任職倉務員，阿生已於昨天正式上班，「呢個時勢有份暑期工做已經好好。」懂事的阿生說。
暖流熱線
電話:29908688
傳真:23702192
電郵:
網址：