今日同大家學英文，教大家一個字，就係個「POO」字。POO字有兩個解釋，第一個係「主要官員辦公室」，即係PrincipalOfficials'Office既簡稱，亦即係特區政府總部西翼八樓。
自從問責制實行，政府就特別闢出呢層樓等班新局長坐埋一齊。昨日，唐英年、何志平、馬時亨等人就第一日進駐POO，遲下委身入「咁唔受歡迎嘅政府」嘅李國章，亦會在此上班。至於葉劉淑儀、林瑞麟同王永平三人就會坐開，以方便工作。
八方老友話，政府內部通訊，詳細分清楚每個官員之「位置」，例如，CGO係下亞厘畢道政府總部，AGO代表金鐘政府合署，如此類推，送信畀馬時亨，就可以send去
第一個解釋講完，到第二個。在美國，呢個字係一嚿屎咁解，尤其係指小朋友既popo，所以班老外一見到部長樓用呢個簡稱，即時笑到反肚。有位老友對八方講，呢個名傳出海外，可能會影響香港高官形象。不過，八方又覺得POO幾好記，李國章@POO、何志平@POO，特別係時亨馬@POO，好抵死啫。
傳真︰2623-9278
電郵︰