水果之中，車厘子係我肥師奶極鍾意食嘅一款，每年六至八月係車厘子嘅盛產期，𠵱家部分果檔已有出售，部份色澤呈淺粉紅嘅加州車厘子，食味稍為清淡，但就頗抵食，平均每磅比去年平$5。面色蒼白，我肥師奶建議大家多食車厘子，有補血功效，更有助臉色紅潤㖭！
雖然家陣唔係冬笋嘅當造期，不過喺部份菜檔仍可搵到笋嘅蹤影，而且呢啲笋比冬笋嫩滑。聽檔主講，呢啲笋叫做香笋又或甜笋，笋殼無乜泥土，比較乾淨，笋肉又嫩滑清甜。
笋肉含豐富纖維素之外，其熱量重好低，至啱作為KeepFit或健康食品，夏天食笋，我就比較鍾意涼拌食法，將笋切片，以油鹽水烚熟，過冷河後拌以麻油、酸辣醬嚟食，惹味又醒胃。
文：肥師奶