吳君如前晚在其主持的商台節目《嘩！嘩！嘩！打到嚟》中，談到謝霆鋒撞車一事，君如極為激動，在節目中也忍不住破口大罵：「佢呢啲係由性格決定命運，信埋啲蛋散茂利堪輿學家都冇用啦！揸車揸到咁，呢啲唔係運滯，係叫好運，我有日見到佢老友陳奕迅，我同佢講叫佢叫霆鋒唔好以為自己係占士甸，自己都唔珍惜生命，有乜咁大壓力揸快車呀？佢令到佢啲朋友同屋企人都好傷心。」而君如則力撐陳小春，說小春只是一個心直口快的人。
此外，陳小春昨日出席港姐記者會時，被問到其老友霆鋒秘密出院一事，小春說：「吓！邊個老友呀？唔好講啦！我已經成隻燒豬咁俾你哋擺上台，淨係未切咋。」