傅天穎（奀妹）昨日與表妹戴蕙雯出現跑馬地，二人均穿上吊帶小背心，打扮性感。奀妹表示她的表妹對演藝界充滿興趣，希望有機會來港發展。
問奀妹可會做表妹的經理人，她說：「我自己都未掂，點樣可以幫到人？我表妹嘅媽咪係台灣山地人，所以表妹都好鍾意表演。」奀妹提到未來的工作，她說：「我月中會返台灣拍劇《七色花》，我會喺劇中扮富家千金。」
此外，張達明昨日生日，他獨自在同一茶餐廳吃蛋撻，問達明的生日願望，他說：「我希望囝囝健康，同埋太太可以同我追番個囡囡，不過佢好擔心我會偏心。我之前同太太出海慶祝咗，都好開心。」
對於羅家英被有線飛走，不用他講波，達明說：「有線應該會出糧畀佢，其實佢同同事相處冇問題，我最可惜係阿叔（林尚義）唔再講波，真係希望可以有機會同佢合作。」