早幾日有個fans喺街度走埋嚟同我好姨講，話估唔到我啲皮膚咁好喎，我聽咗之後不知幾咁開心！全靠我平時有做吓facial，同飲啲滋潤湯水咋，今日呢款湯水就對皮膚好好㗎！
女人進補愈早愈好，如果唔保養吓，以我成日化妝同睡眠不足嚟講，啲皮膚分分鐘皺過皺皮瓜，而且，對眼嘅黑眼圈分分鐘連太陽眼鏡都遮唔到㖭！
今日我同大家介紹嘅呢味湯水，對我哋呢啲年紀，又或者係後生女都好啱飲㗎，因為呢味「返老還童湯」，可以消除黑眼圈，去皺紋，解渴除煩，而且，最緊要係滋補養顏，潤澤肌膚；正所謂「飲咗返老還童湯，皮膚滑溜好健康。」
（五之三）
採訪：戴彩煥
攝影：陳慧安
顧問：何國璋中醫師