呢輪歐洲嘅新車款可謂推陳出新，一浪緊接一浪。而早前亞Mark曾經提及過嘅全新保時捷Cayenne，新一代高性能SUV，早陣子廠方經已落實投產嘅計劃。至於香港方面，查實去年尾代理已經接受預訂，聽聞反應不俗，收到唔少車迷查詢同落訂㖭！以唔使一百萬嘅價錢，就可以擁有一部備有恒式四驅，又有四門設計，好啱一家大細乘坐嘅高性能SUV喎！既係保時捷車廠嘅新嘗試，又切合時下嘅汽車潮流，實難怪佢哋班Fans咁雀躍㗎！至於部Cayenne幾時到港？相信快者都要今年下半年，又或者係明年初喇！對Cayenne有興趣嘅朋友，就要快人一步去Showroom打聽吓喇！