十月便退休嘅廉政公署執行處處長郭文緯，剛剛獲特首頒發一個銀紫荊勳章。八方見到佢忙不迭上前恭喜，郭處長話多謝特首嘅支持，同兩位前專員任關佩英、黎年嘅領導，回歸五年廉署才可以保持獨立有效的運作，繼續反貪工作。
公眾假期結束，空降嘅新任廉政專員李少光今日第一日到廉署上班。可能八方多心，總覺得郭處長嘅說話嗒落有味，尤其坊間盛傳，李少光到廉署後要大整頓，據聞廉署士氣亦受到打擊。放心，八方同傳媒朋友一定幫你昅實，第一件事就係留意李少光上任後廉署會唔會減少發新聞稿，減低透明度！
傳真︰2623-9278
電郵︰