我Apple姐從來都認同呢句說話：「面係人哋畀，架就係自己丟嘅。」好似有啲藝人，未係咁紅就以為自己係天王巨星，其實盞俾人笑㗎咋。
話說我Apple姐個friend早嗰排去加州紅唱K，就撞倒StarEast力捧嘅李蘢怡同佢同公司嘅組合EO2，我個friend話其實冇乜人認得佢哋嘅啫，但係佢哋就以為自己係超級巨星，一入房就嗱嗱聲搵張白紙封住門口塊玻璃，出入去洗手間時重急急腳怕俾人認出咁款，不過卡拉OK方面亦勸喻佢搣番張紙落嚟。講真嗰晚成間卡拉OK認得出佢嘅，怕且得我Apple姐個friend一個啫，佢咁做真係好無謂！