名模Rosemary昨日演繹米奇老鼠新裝，問及有報道指她出道多年的收入，可望在二十二歲時取回時，她與母親Julie同時否認此事，Rosemary表示現時用錢雖然有限制，但知道母親這個決定是為她將來設想。
昨日假奧海城舉行的「米奇開心派對」fashionshow，由Rosemary、陳細潔、陳松伶、齊芷瑤及萬綺雯演繹張天愛設計、印有米奇老鼠圖案的服裝，除有既隆重又可愛的晚裝，亦有極具活力的牛仔裝。五位不同氣質的女士穿上這些別具一格的新裝，表現出米奇老鼠fashionable的一面。
現年十九歲的Rosemary，昨日獲張天愛大讚她性感又可愛，張天愛並表示未來她的一系列時裝展，皆會邀請Roseamary演出。
早前Rosemary曾在一篇訪問中透露她在二十二歲時可取回出道以來的收入。昨日其母Julie表示，女兒多年來的收入全無落入她手中，Julie說：「我一向有搵會計師幫佢看管收入，每個月Rosemary都會有糧出，冇錢過我手嘅，我咁多年為佢奔波，只係想證明自己嘅眼光啫。」
而Rosemary亦與母親口徑一致，她說：「我冇話過到二十二歲可以攞番啲錢，係可以攞番部份啫，我覺得媽咪搵會計師幫我睇住啲收入係為我好，如果所有錢都畀晒我，我諗我一早就使晒啲錢啦，雖然我承認𠵱家用錢方面有所限制，但係媽咪咁做，都係為我將來設想啫。」問她早前搬屋需要添置家具，母親有沒有額外給她錢用？她說：「冇呀，買家具啲錢都係用平時嘅儲蓄咋。」