昨晚八方在中環添馬艦慶回歸嘉年華，見到一身粉藍套裝裙的立法會主席范太。鮮有着到咁青春嘅范太，成個人好似後生咗幾年，問佢會唔會留在添馬艦欣賞回歸煙花，點知范太笑住搖頭，話要回家睇，不過唔係睇電視轉播，而係自己半山屋企間間房都有無敵煙花靚景。
八方記得曾經有人話佢舊年由女兒沙田威爾斯醫院宿舍，搬去咗愛都大廈，范太即刻話愛都睇唔到煙花景，不過，自己住邊就要保持神秘。
講到個女，范太就詐諦抱怨個女唔會買啲青春嘅款送畀佢，只會買「黑𤷪𤷪」嘅Prada送畀媽咪，講之時笑得唔知幾開心！
范太唔去會展，但班新貴就好踴躍，好似梁振英就帶埋老婆仔女出席喇！而阿董就好有愛心咁，爆炸聲一大就幫孫女掩耳。
﹙圖﹚梁振英一家大小去睇煙花。
傳真︰2623-9278
電郵︰